XEIRA, DOMINGO, 11 DE NOVEMBRO 2012

“LUGO: ULTIMAS EXCAVACIONS E RESTAURACIONS”

Guiada por Pancho Gallego

Saída ás 9,00 h dende as paradas habituais

DESTA VEZ NON HABERÁ ANDAINAS. PERO TENDO EN CONTA O CLIMA DE LUGO SERÁ BON LEVAR ALGO DE ABRIGO E PARA A CHOIVA.

ITINERARIO

• En primeiro lugar coñeceremos as pouco coñecidas pinturas murais ó fresco da Igrexa de Santa María de Labrada, parroquia do concello de Guitiriz.
• Logo seguiremos xa cara Lugo, onde pasaremos o resto do día.

• Antes de empezar as visitas na cidade murada, faremos unha parada técnica na cafetería “Pazo das Pombas” recentemente aberta nun edificio histórico da cidade, e que nos sorprenderá polo bon gusto ó facer a reforma tendo en conta a memoria do lugar.

• Empezaremos as visitas en Lugo polas excavacións realizadas no edificio do Vicerreitorado de Lugo da USC, da man de Celso Roguíguez, arqueólogo que dirixiu as mesmas. Nos sorprenderá polos achados realizados, a mansio e máis o templo de Mitra, e poder ver in situ 2000 anos de historia do solar, ocupado de xeito contínuo.

• Seguiremos con Celso Rodríguez que nos guiará pola cidade para coñecer tres “xanelas arqueolóxicas” onde veremos importantes restos para a comprensión da cidade romana.

XANTAR NO MESON “TOSAR ”, a carón da Praza do Campo

(a base de cocido, e rematando cun pequeno magosto)

• Continuaremos visitando as pinturas da ábsida da catedral de Lugo, recentemente restauradas, da man de Cesar Carnero, encargado de Patrimonio da Diócese de Lucus Augusti. Redescubriremos en toda a súa magnificencia aquelas figuras escuras que apenas se percibían.

• E remataremos cunha doble sesión:
• Iremos ó último dos museos da cidade que nos falta por coñecer: o Centro de Interpretación da Muralla,
• e nos achegaremos ó edificio do Círculo das Artes, símbolo da ilustración burguesa local nas primeiras décadas do século XX, e que ten unha apreciable pinacoteca de pintores galegos.

Como para a visita ó Centro de Interpretación teremos que facer dous grupos, un visitará éste mentras o outro vai ó Circulo das Artes, e logo cambiaremos.

Remataremos as visitas entre as 7 e 7,30 pm, hora nocturna a estas alturas do ano.