Archiv für die Kategorie „2.1. Rutas por Galicia“

OS LABARDEIROS DE MUGARES

Sonntag, 5. März 2017

Día 28 de Febreiro de 2017.

TUI E O BELÉN PARTICULAR DE SOBRADA

Sonntag, 5. März 2017

Día 17 de decembro de 2016.

San Bartolomé de Rebordáns, Santo Domingo, Casa xudea de Salomón, Catedral, Belén de Sobrada, monte Aloia

DE MUROS A ORDES

Sonntag, 5. März 2017

Día 12 de noviembre de 2016.

Cruceiro de Cirolán, Santuario da Virxe do Camiño, Igrexa de San Pedro de Muros, Museo do Traxe “Juanjo Linares”, en Ordes.

RESTAURACIÓN E ARQUEOLOXÍA EN LUGO E CONTORNA

Sonntag, 5. März 2017

Día 4 de setembro de 2016.

Igrexas de San Xoán de Tirimol e Santalla de Mazoi, Domus do Mitreo, Termas de Lugo, dolmen de Adai

SARDIÑADA: CUMPRINDO COA TRADICIÓN

Sonntag, 5. März 2017

O día 9 de xullo do ano 2016 celebramos o noso encontro gastronómico do verán coa tradicional sardiñada, que una vez máis tivo foi preparada polo mesón “A Lagoa”, de Vimianzo. A mañá estivo ocupada por varias visitas, as primeiras a dous megalitos situados nese concello, a Pedra da Lebre, nas cercanías de Serramo; e Pedra Cuberta, o dolmen no que no ano 1934, o alemán Georg Leisner, descubriu restos de pinturas murais en varios dos esteos da cámara, situando a Galicia no mapa europeo do megalitismo. Vimos tamén a igrexa románica de Santa Baia de Tines, construida sobre unha necrópole romana-sueva. Admiramos tamén o Cruceiro dos Santos, moi perto de Cheis, un dos máis sobranceiros de Galicia, e asistimos a unha demostración do funcionamento do conxunto etnográfico dos batáns de Mosquetín.
Xa pola tarde, visitamos a exposición “Con-fío en Galicia”, na Cidade da Cultura de Santiago, onde ademáis de distintos vestidos dos máis destacados modistos galegos, vimos pezas arquelóxicas e artísticas de gran interese, como a saba de Santa Eufemia ou a talla barroca dun cabaleiro orante, de Francisco de Moure

BARBANZA SUR: VILAS E ARQUEOLOXÍA NO NORTE DA RÍA DE AROUSA

Montag, 6. Juni 2016

O domingo día 5 de xuño, Pancho Gallego levounos ata A Pobra do Caramiñal. Nesta vila visitamos a igrexa de Santiago do Deán, que acolle no seu interior á capela de Alba, de estilo plateresco, cun extraordinario traballo na pedra, e que, sen dúbida, é unha das obras mestras da arte galega. Ao remate da visita, sumouse ao noso grupo Antonio González Millán, director do museo Valle-Inclán da vila e que durante o resto da mañá ía ser un guía perfecto, polos seus coñecementos e pola súa amenidade. Así que aprendimos moitas cousas do cruceiro situado á carón da igrexa de Santiago de Deán, da chamada casa da Estrela, do antigo castelo, dunha fonte de ferro de fundición alemana, da igrexa de Santa María a Antiga, e do seu retablo barroco, das alfombras que os veciños estaban a realizar con sal de varias cores e flores, da historia, …
Logo de xantar vimos o vello cruceiro de Lesón, antes de facer unha andaina ata a ponte medieval da Misarela, da que xa falou o padre Sarmiento, seguindo o curso do río Pedras, que forma ademais un conxunto de pozas de gran beleza. Perdémonos despois polo núcleo abandoado de Aldea Vella, antes de subir ao miradoiro da “Pedra da Rá”, en Ribeira, que pola súa situación, ten as mellors vistas costeiras de Galicia, pois vimos perfectamente lugares como Guidorio Areoso, a Illa de Arousa, Sálvora, Ons, as dunas de Corrubedo e as lagoas de Carregal e de Vixán, monte Louro, cabo Fisterra, etc.. A súa situación é absolutamente privilexiada. Subimos logo ata o castro da Cidá, excavado nestes dous últimos anos, un asentamento castrexo cunha ocupación moi antiga e apenas dous séculos de ocupación, e que podería ter sido empregado para o traballo a metalurxia. Para rematar a xornada disfrutamos do atardecer no porto de Palmeira. Lástima que a súa arquitectura estea tan estragada porque é un recuncho ben fermoso, cun portiño bastante antigo.

VIGO: UNHA RUTA URBANA

Sonntag, 24. April 2016

O día de onte, 23 de abril de 2016, achegámonos ata a cidade olívica para ver cousas como o Museo do Mar de Galicia, situado en Alcabre. Conta agora cunha colección permanente na que descata a sala “Mare Nostrum”, dedicada á arqueoloxía, con pezas tan destacadas como un ungüentario bizantino, restos de diversos pecios localizados nas nosas costas, unha lauda sepulcral do antigo mosteiro de Calogo, en Vilanova de Arousa, e os achados do castro da Punta de Muiño, escavado e conservado in situ no propio museo, e noutras dependencias vimos o esqueleto dun cachalote varado hai uns anos nunha praia de Sanxenxo ou o submarino de Sanjurjo Badía.
Logo de xantar visitamos exteriormente as igrexas románicas de Santa María de Castrelos e Santiago de Bembrive e o cemiterio de Pereiró, con boas mostras escultóricas, entre as que destaca un impresionante mausoleo feito por Francisco Asorey.
Paseamos polos xardíns do pazo de Castrelos, nunha tarde primaveral (por fin!) e accedimos ao interior do pazo, que é o Museo da Cidade-Quiñones de León, onde destacan as estelas romanas da sala de arqueoloxía, o retablo renacentista da capela e dous murais de Urbano Lugrís.
Rematamos a xeira visitando no Museo de Pontevedra, unha magnifica exposición sobre “Castelao artista” na que se reúnen por primeira vez todas as súas obras de gran formato conservadas en Galicia.

SEGREDOS DO RIBEIRO

Sonntag, 24. April 2016

A segunda xeira do ano 2016 tivo lugar o día 19 de marzo, e nela comprobamos unha vez máis o rico patrimonio que agochan as igrexas do rural galego. Comezamos coa visita da igrexa de Santa María de Beade, que conserva algunha das mellores tallas do escultor barroco Francisco de Moure, como a Santa Ana, a Santa Isabel e o San Bartolomé, e algúns sartegos de gran interese artístico, como o de Vasco Rodríguez o Vello; a igrexa conserva ademáis un curioso apostolado procedente da primitiva igrexa románica, que está embutido na parte alta do muro esquerdo da nave.
De seguido, fomos ata Santa Tomé de Serantes, con fermoso rosetón. No interior conserva un extraordinario baldaquino gótico, no que resultan perfectamente identificables a escena da Anunciación e as imaxes de Santiago Peregrino e de San Pedro.
A derradeira visita da mañá levounos ata a igrexa de Santa Mariña de Gomariz, na que destaca exteriormente a fiestra da súa cabeceira rectangular, antes de xantar no Parque Náutico de Castrelo de Miño, nun entorno de gran beleza.
Pola tarde visitamos a igrexa de San Miguel de Osmo, no concello de Cenlle, na que foron restauradas pezas tan interesantes como un frontal pétreo, probable resto dun baldaquino, ou as pinturas murais dun arcosolio ed a sacristía.
Rematamos a xornada coa visita dun lugar absolutamente sorprendente, a igrexa de Santa Mariña de Esposende, tamén en Cenlle, que conserva espléndidos canzorros románicos, especialmente de músicos, e no seu interior unha marabillosa capela gótica do século XV, cun apostolado que ocupa todo o arco de acceso e que debería ser obxecto dunha restauración para poder gozar plenamente desta obra.

TEMPO DE ENTROIDO

Sonntag, 24. April 2016

O día 7 de febreiro de 2016 celebramos a nosa tradicional xeira de Entroido, visitando a aldea da Mezquita, no concello ourensán de A Merca, onde un grupo de mozos está a recuperar dende hai un par de de anos unha festa que se atopaba perdida, na que a máscaro protagonista é o Galo, que resulta moi vistosa. Previamente, pola mañá, visitamos o Museo da Limia, en Vilar de Santos, e o Museo Galego de Entroido, en Xinzo de Limia, sen dúbida un dos maís coloridos da nosa terra, pois garda uns corenta traxes e máscaras dos máis significativos carnavais de Galicia: boteiros de Viana do Bolo, peliqueiros de Laza, cigarróns de Verín, troteiros de Bande, xenerais do Ulla, felos de Maceda, mázcaras de Manzaneda, volantes de Chantada, pantallas de Xinzo de Limia, labardeiros de Mugares, vellaróns de Riós, vergalleiros de Sarreaus, madamas e galáns de Cobres…
Tamén visitamos a igrexa románica de San Pedro de A Mezquita, un dos mellores exemplos do románico rural galego e a eira comunal de hórreos da Merca.

UN NOVO BELÉN POR NADAL

Sonntag, 24. April 2016

A derradeira xeira do ano 2015 tivo lugar o día 20 de decembro. Por mor da xornada electoral, saímos algo tarde para dar tempo aos asistentes a que exerceran o seu dereito a votar, así que chegamos co tempo xusto a Noia para visitar a igrexa de Santa María a Nova, da man de Eduardo Gómez Bargo, perfecto coñecedor da historia local. Non só visitamos as laudas sepulcrais expostas na igrexa, senón tamén as que se gardan na sacristía, lonxe da vista do público. Despois vimos o Museo Etnolóxico do Mar, cun curioso Belén, pero que máis que un museo semella un almacén pois os bens alí expostos están bastante desordenados.
Logo de xantar no Trapeiro, na estrada que leva a Boiro, fomos ver o Belén de Cespón, un dos de máis sona do noso país. Trátase dun belén de grandes dimensións, en distintas dependencias no baixo de antiga casa rectoral pero cun defecto que deberían solucionar: os mecanismos que facilitan o movemento das figuras non deberían estar á vista.
Aproveitamos para ver tamén o interior da igrexa de San Vicente de Cespón, que garda no seu interior un interesante baldaquino.
Rematamos a xeira visitando os castros do Neixón, situados nun fermoso emprazamento costeiro da ría de Arousa e o Centro Arqueolóxico do Barbanza, onde o seu responsable fixo una exposición moi ben documentada acerca dos achados e da arqueoloxía da bisbarra. Entre as pezas orixinais que gardo o Centro, destacan a estela romana de Taragoña e un anaco dun aribalos púnico.