Actividades.
Data da última actualización: 03/01/2020
|
Actividades anteriores
"Arte en Compostela".
"Conferencia".
"Terra Cha, Olería de Bonxe".
“Ribadavia e a terra do Ribeiro". Día: 21 de Setembro (sábado):
“A sardiña molla o pan". Día: 20 de Xullo (sábado):
“Cedeira e a sua ria". Día: 16 de Xuño (domingo):
“A Mariña Central". Día: 25 de Maio (sábado):
“Dous entroidos urbanos". Día: 5 de Marzo (martes):
“Valga e o seu Belén". Día: 29 de Decembro (sábado):
Data da última actualización: 03/01/2020 |
|||||||||||||||||||||||||||||||
| ||||||||||||||||||||||||||||||||
Na derradeira xeira do ano iremos ata a cidade do Lérez, para visitar no Museo de Pontevedra, dúas interesantes exposicións temporais: “Galaicos, un pobo entre dous mundos”; e “Inventio Mundi, Galicia nas viaxes transoceánicas, séculos XV-XVII”. Logo do xantar será a cidade olívica a protagonista, na que veremos a recuperada casa indiana de Villa Solita, e se fose, posible a vila romana de Mirambel, antes de perdernos no espectáculo das luces navideñas de Vigo. Hora de saída: 9,00 horas, dende as paradas habituais (Porta Real, praza de Ourense, Catro Camiños, Paxariñas).
Dedicaremos a xornada a unha doble visita cun interese excepcional. Pola mañá acudiremos ata a Cidade da Cultura para ver a exposición "Galicia, un relato no mundo", que trae á nosa terra un conxunto de obras de arte, libros e documentos de enorme valor histórico, moitos deles nunca vistos na nosa comunidade, como a Biblia Kennicott, o mapa de Sawley ou o Códex Aretinus, a fermosa Santa de Asorey, o guerreiro castrexo de Lesenho, etc. 
Para celebrar este ano o 51 aniversario do Museo Arqueolóxico, o próximo venres, día 15 de Novembro, ás 8,00 da tarde, teremos como conferenciante ó arqueólogo Felipe Arias Vilas, quen durante moitos anos foi o director do Museo do Castro de Viladonga
Xeira guiada por Pancho Gallego para visitar as pinturas murais de San Vicenzo dos Vilares, Guitiriz e a olería de Bonxe pola mañá, e pola tarde o Caneiro do Piago, San Pedro de Martul e a torre medieval de Caldaloba. Mais información no PDF adxunto.
Pola mañá achegarémonos a ta Ribadavia, para profundizar na pegada deixada polos xudeus na nosa comunidade. Ás 12,30 horas visitaremos o Museo do Viño de Galicia, que abriu as súas portas no mes de xullo, nun edificio pacego que foi antes priorato do mosteiro de San Martiño Pinario, e que conserva a súa extraordinaria adega orixinal. Despois de xantar achegarémonos ata o Parque Arqueolóxico da Cultura Castrexa, en San Cibrán de Las e veremos algunha cousa máis pola comarca do Ribeiro. Hora de saida: 9,00 horas dende as paradas habituais (Porta Real, praza Ourense, Catro Camiños, Paxariñas)..
Non podemos deixar de celebrar a nosa tradicional sardiñada de verán, que como nestes úlimos anos terá como escenario o restaurante "A Lagoa", en Vimianzo, onde esperamos contar cun fermoso día que permita xantar ao aire libre. Achegarémonos ata Camelle, para visitar o Museo de Man, o alemán tan vencellado á vila, que morreu de pena pola catástrofe do Prestige. Veremos tamén a igrexa románica de Santiago de Cereixo, que ten un tímpano singular, e iremos ata cabo Touriñán, o punto máis occidental da península Ibérica, e Muxía, para ver como remataron as obras do parador, e discutir sobre o seu impacto visual. E como sempre disfrutando de boa compañía. Hora de saída: 9,00 horas, dende as paradas habituais (Porta Real, praza de Ourense, Catro Camiños, Paxariñas).
Nesta xornada de reflexión aproveitaremos para coñecer novos espazos expositivos na mariña lucense. Comezaremos en Mondoñedo, onde veremos a Casa-Museo de Álvaro Cunqueiro, que conserva elementos arquitectónicos moi singulares; continuaremos co Centro de Interpretación de Basílica de San Martiño de Mondoñedo, proxecto do arquitecto Mario Crecente, que estivo con nós nunha visita a Pambre, e claro está coa visita da propia Basílica, que posue pinturas murais románicas e extraordinarios capiteis e un frontal pétreo da mesma época. Achegarémonos despois ao espazo Caritel, no que o escultor Caxigueiro, ademaís de amosar a súa obra, deseñou un espléndido xardín botánico.
Nesta tradicional xeira iremos ata a cidade de Ourense, que en celebra en dous dos seus barrios, dous entroidos singulares. Pola mañá disfrutaremos da Festa da Pita, en AS EIROÁS, recuperado no ano 1999, que culmina coa celebración ás 13,00 horas da Voda da Pita, en lembranza dun casamento de dos viúvos ala pola metado do século pasado.
