XEIRA, DOMINGO, 08 DE SETEMBRO 2013

“A PENINSULA DO SALNES (II) E MAR DE AROUSA”

PREHISTORIA, HISTORIA, PAISAXE E ÚLTIMAS EXCAVACIONS ARQUEOLOXICAS

Guiada por Suso Baños e Pancho Gallego.

Saída ás 8,30 h dende as paradas habituais

DESTA VEZ NON HABERÁ ANDAINAS, PERO SI PRAIA.

IREMOS EN BARCO AQUELES QUE QUEIRAN ACHEGARSE A VER OS DOLMENS DO MEDIO DA RIA DE AROUSA.

ITINERARIO

• Faremos unha primeira parada técnica nalgunha área de descanso da autopista.
• A primeira visita será para ver as pinturas murais atopadas hai uns poucos anos na cabeceira da igrexiña de Santo Tomé de Meis.
• Logo visitaremos novamente as excavación do castro do MONTE DO CASTRO, na parroquia de BESOMAÑO, en Ribadumia, da man do arqueólogo Rafael Rodríguez, director da intervención. Veremos a evolución do xacemento respecto ó ano pasado. Os elementos e estructuras atopados neste tempo e cómo se vai avanzando na conservación deste espacio, chamado a ser todo un referente arqueolóxico.
• E antes do xantar, tentaremos, sempre e cando teñamos tempo, achegarnos ó miradoiro do Monte Lobeira, para apreciar as perpectivas de todo o Salnés e a ría de Arousa que dende alí se ven, e facer unha interpretación da paisaxe. Se non dera tempo, iremos directamente a comer.

XANTAR NO MESON “NOVO FREIXO” EN Freixo - Ribadumia

(a base de entrantes, unha boa grellada de carne, ensalada, postres e café)

• A tarde adicarémola a visitar parte da Illa de Arousa, e o illote do Ghidorio Areoso, no medio da ría de Arousa.

Neste momento nos dividiremos: aqueles que queiran ir a ver os sorprendentes dólmenes e a arqueoloxía do Ghidoiro Areoso colléremos unha embarcación que nos leve deica alí. Posiblemente embarquemos directamente dende algunha praia. En calquera caso MOLLAREMOS OS PES, e o Ghidoiro só ten area e dunas. Atentos ó calzado que imos levar. Para esta actividades só hai 22 prazas.

Os demáis que non queiran ir ó illote poden optar por quedar nalgunha das praias da zona de Parque-Reserva da Natureza do Carreirón, onde tamén hai locales de restauración.

• Á volta do Ghidorio Areoso continuaremos, dependendo do tempo que nos quede, cunha andaina polo Parque do Carreirón, e tentaremos achegarnos á acea de mareas das Aceñas.
• Remataremos parando nalgún lugar da illa onde poidamos tomar algo antes de volver a Coruña.